Alataş li ser gora xwe hate bibîranîn

Alataş li ser gora xwe hate bibîranîn

Xebatkarê Rojnameya me yê Edeneyê Metîn Alataş ê ku par di 4’ê Nîsanê de li Edeneyê di darekê ve daliqandî hatibû dîtin li ser gora xwe hate bibîranîn

08/04/2011

Xebatkarê Rojnameya me yê Edeneyê Metîn Alataş ê ku par di 4’ê Nîsanê de li Edeneyê di darekê ve daliqandî hatibû dîtin li ser gora xwe hate bibîranîn. Xebatkarê Rojnameya me yê Edeneyê Metîn Alataş ê ku par di 4’ê Nîsanê de li Edeneyê di darekê ve daliqandî hatibû dîtin li Goristana Oba ya Kucuk li ser gora xwe hate bibîranîn. Malbata Alataş, Endama Meclîsa BDP’ê Cîhan Sîncar, Serokê Rêxistina BDP’ê ya Seyhanê Refîk Bayav, xebatkarên me, yên DÎHA û Radyo Dunya, rêveberên BDP’ê yên bajar û naçveyan, rêveberên MEYA-DER’ê û gelek kes tevlî bîranînê bûn. Di biranînê de dirûşma “Şehît namirin” hate berzkirin û posterên Rêberê PKK’ê Abdullah Ocalan û Alataş hatin vekirin. Piştre Xebatkarê Rojnameya me Kadrî Bagdo, axaftinek kurt kir û wiha got: “Rojnameya te ya yekemîn Ozgur Gundem di salvega şahdeta te de careke din dest bi weşanê kir. Kerwanê Çapemeniya Azad ê bi Apê Musa dest pê kir û bi te dewam kir û dewrî me hate kirin. Em jî li gorî rêgezên we dê heta dawiyê biçin.” Endama Meclisa BDP’ê Cîhan Sîncar jî axaftine kir û bal kişand ser keda xebatkarên Çapemeniya Azad. EDENE -DÎHA

Nikarin vegerin mala xwe

Malbata Guçlu, ku rastî hewldana linca 20 kesan hatibû û xwe bi tifinga pompeyî parastibû neçar ma ku mala xwe bi terikîne. Piştî bûyerê Mehmet Guçlu û 2 kurên wî ji ber çek bikaranîne hatibûn girtin û ferdên malbatê yên din jî bi neçarî çûn cem xizmên xwe

04/12/2010

Malbata Guçlu, ku rastî hewldana linca 20 kesan hatibû û xwe bi tifinga pompeyî parastibû neçar ma ku mala xwe bi terikîne. Piştî bûyerê Mehmet Guçlu û 2 kurên wî ji ber çek bikaranîne hatibûn girtin û ferdên malbatê yên din jî bi neçarî çûn cem xizmên xwe. Kesên malbata Guçlu ku diyar dikin ji ber ewlehiyê nikarin her tim li cihekê bimînin, parastin ku hem rastî lincê hatine hem jî mexdûr bûne. Li taxa Bacilara ya Bajaroka Huzurkenta Mêrsînê, malbata Guçlu, di 31’ê cotmehê de rastî êrîşa linca 20 kesan hat. Mehmet Guçlu, ji bo malabata xwe bi parêze bi tifinga pompeyî gule berdan ser êrîşkaran. Di encama gulebaranê de êrîşkar Alparslan Doganê 34 salî jiyana xwe windakir, Yunus Agçayê 19 salî jî birîndar bû. Piştî bûyerê, Mehmet Guçlu û kurên wî Îsmaîl û Ramazan Guçlu, bi hinceta “Bi çeka bê ruhset mirov kuştin”, “Mirov bîrîndarkirin” hatin girtin û ew şandin Girtîgeha Tîpa E ya Mêrsînê. Hevser û zarokên Mehmet Guçlu ji ber ku ewlehiya wan tuneye li cem xizmên xwe bicih bûn. Malbata Guçlu, 15 sal beriya niha ji Gundê Atalay a Çunguşa Amedê koçî taxa Bacilara Mêrsînê kir. Malbata Guçlu, diyar kir ku li taxa ku lê rûdinên nêzî 30 malbatên tirk hene û piraniya wan dengên xwe didin MHP’ê. Kesên malbata Guçlu, her wiha diyar kir ku ji ber wan dengê dane DTP’ê rastî cudakariyê hatine. Nazmiye Guçlu a ku bûyer vegot, da zanîn ku niştecihên taxê ji bo wan ji taxê derxin hincetan digeriyan û îdiayên xwe wiha domand: “Herî dawiyê di navbera me û kesê bi navê Alî Şîmşek de nîqaş derket. Alî Şîmşek ji me re digot ‘Hûn çima êdî li ser ban narazên, an ditirsin?’ û ji ber vê jî nîqaş derket. Piştî demekê Şîmşek û êrîş hatin cem me û ji me re gotin, ‘Hûn kîne kurdên pis hûn bi me re nîqaş dikin. Bi cehnimin herin ji vir. Hûn hemû terorîst in. Em kurdan li vir naxwazin.” Nazmiye Guçlu, diyar kir ku rastî êrîşê neqehiyan tên û ewlehiya wan nîne. MERSÎN

378

Êlih li vîna xwe xwedî derket

Êlih li vîna xwe xwedî derket

Li Êlihê bi hezaran kes salvegera operasyona li dijî BDP’ê şermezar kir.

25/12/2010

Li Êlihê bi hezaran kes salvegera operasyona li dijî BDP’ê şermezar kir. Girse, bi pankarta kurdî û tirkî ya “Em li vîna xwe xwedî derdikevin” ber bi kolana hunerê ve meşiyan û bênavber dirûşmên “Pêkûtî dê me bêzar neke”, “Bijî Serok Apo”, “Em hemû Nejdet Atalay in” berz kir. Girse di bin dorpêça polîsan de heta Kolana Hunerê meşiya. Li vir, Cigirê Şaredarê Êlihê Hamza Ayîş bi kurdî axaftinek kir û diyar kir ku rayedarên hikûmet û dewletê dîtin ku bi rê û rêbazên demokratîk nikarin vîna gel dil bigirin, vê carê bi riyên dij demokratîk û bêhiqûqî şaredar û siyasetmedarên kurd girtin. Piştî axaftina Ayîş, peyama Şaredar Nejdet Atalay hatî şandin ji gel re hate xwendin.

Danûstandina xwe êdî dê bi kurdî bikin

Danûstandina xwe êdî dê bi kurdî bikin

Endamên KURDÎ DER’ê di çarçoveya ‘kampanyaya bazar û danûsitandina bi kurdî etîketên bi kurdî’ de li navçeya Çinarê ya Amedê, etîketên li ser tiştên firotinê yên bi kurdî belavî esnafan kirin.

28/12/2010

Endamên KURDÎ DER’ê di çarçoveya ‘kampanyaya bazar û danûsitandina bi kurdî etîketên bi kurdî’ de li navçeya Çinarê ya Amedê, etîketên li ser tiştên firotinê yên bi kurdî belavî  esnafan kirin. Esnafên Çinarê kêfxweşiya xwe ji bo vê pêk anînê anîn ziman û gotin dê êdî etîketên wan bi kurdî bin.

412

Bîlançoya HPG’ê ya îsal: 376 mirov mirin

Bîlançoya HPG’ê ya îsal: 376 mirov mirin

Biryargeha Navendî ya HPG’ê ‘bîlançoya şer’ sala 2010 ragihand. Li gorî bîlançoyê Artêşa Tirk 195 operasyon pêk anî. Di şerên ku çêbûn de, 283 leşker mirin û 93 gerîlayên HPG’ê jiyana xwe ji dest dan.

31/12/2010

Taylan MÎRALAY – BEHDÎNAN/ANF Biryargeha Navendî ya HPG’ê ‘bîlançoya şer’ sala 2010 ragihand. Li gorî bîlançoyê Artêşa Tirk 195 operasyon pêk anî. Di şerên ku çêbûn de, 283 leşker mirin û 93 gerîlayên HPG’ê jiyana xwe ji dest dan. Li gorî daxuyaniya Biryargeha Navendî ya HPG’ê, her çendî KCK’ê biyara bêçalakîtî di sala 2010 de, operasyonên Artêşa Tirk berdewam kirin. Di daxuyaniyê de wiha hat gotin; “Gerîlayên me ji bo biryara bêçalakîtiyê pêk bînin, sebrek mezin nîşan da û ji bo nekevin nava şer û pevçûnan hemû derfetên xwe seferber kirine”. ÇALAKÎ PÊK NEHATIN Li gorî daxuyaniyê, Artêşa Tirk di navbera 1’ê çile û 31’ê gulana 2010’an de 52 operasyon li dijî gerîlayên HPG’ê li darxistin. Di navbera van dîrokan de 6 êrîşên hewayî û 158 êrişên obus û hewanan pêk hatin. Biryargeha Navendî ya HPG’ê diyar kir ku 19 gerîlayan jiyana xwe ji dest dan û 100 endamên Artêşa Tirk mirin. Di daxuyaniyê de 1’ê hezîrana 2010’an û 13’ tebaxa 2010’an wek ‘pêvajoya nîv şer’ hat binavkirin û hat diyarkirin ku di çarçoveya Hemleya Stratejîk a Qonaxa 4’emîn Çalakiyên gerîlayan yên di vê demê de Tirkiyeyê hejandin. Li gorî daxuyaniyê di van pêvajoyan de 58 operasyon pêk hatin, 42 gerîlayên HPG’ê jiyana xwe ji dest dan û 152 leşkerên Tirk mirin. OPERASYON ZÊDE BÛN Di daxuyaniya HPG’ê de hat gotin ku her çendî KCK’ê di 13’ê tebaxê de biryara bêçalakîtiyê girti be jî, operasyonên Artêşa Tirk zêde bûn. Li gorî daxuyaniyê ji 14 tebaxê heta 28’ê cotmehê Artêşa Tirk 85 operasyon li dar xist, 7 êrişên hewayî pêk hatin. Di navbera van dîrokan de 32 gerîla jiyana xwe ji dest dan û 32 leşkerên tirk hatin kuştin.

476

‘Bila di komîsyonê de xizmên windayan jî cihê xwe bigirin’

 ‘Bila di komîsyonê de xizmên windayan jî cihê xwe bigirin’

 

  

 

  

 

 Çalakiya xizmên windayan vê hefteyê jî li Amed, Riha û Êlihê hate lidarxistin. Di çalakiyan de hate xwestin ku Komîsyona Lêkolînkirina Heqîqetan a xizmên windayan ji tê de cîh digirin, bê avakirin

 

 
13/02/2011

 

 

 

 

Çalakiya xizmên windayan ku her hefteyê ji bo zelalkirina aqûbeta windayan tê lidarxistin, vê hefteyê jî li Amed, Riha û Êlihê hatin lidarxistin. Di çalakiyan de daxuyaniya Serfermandariya Giştî ya “Hestiyên sewalan in” hate şermezarkirin û her wiha hate xwestin Komîsyona Lêkolînkirina Heqîqetan a xizmên windayan ji tê de cih digirin, bê avakirin.
AMED: ÎHD’a Amedê û xizmên windayan, li ber Bîrdariya Mafê Jiyanê ya li Parka Koşuyoluyê hatin cem hev û di 105’emîn hefteya çalakiya xwe de pankart “Bila winda bên dîtin, kiryar bên darizandin” vekirin. Sekreterê ÎHD’a Amedê Racî Bîlîcî, li vir daxuyaniyek da çapemeniyê. Bîlîcî, diyar kir ku gotinên Serokwezîr Erdogan bi gotina “Di dema hikumeta me de kuştinên kiryar ne diyar nehatine jiyîn” hêviyên wan şikandine. Bîlîcî, da zanîn ku di dema Hikûmeta AKP’ê de bi sedan kuştinên kiryar nediyar û înfaza beyî darizandin hatiye jiyîn. Bîlîcî, kiryarên, Aydin Erdem, Mehmet Uytun, Enes Ata, Ahmet Mizrak û Ceylan Onkol pirsî û xwest ku hikumet berpisyarê kuştina van kesan aşkera bike.
Serokê Baroya Amedê M. Emîn Aktar jî di çalakiyê de axaftinek kir. Aktar, destnîşan kir ku ji bo rastî derkevin holê lazim e di zutirîn demê de Komîsyona Lêkolînkirina Heqîqetan bê avakirin û dest bi lêkolînan bê kirin. Piştî Aktar, Endamê Meclisa Dayîmî yê KCD’ê Cafer Kan jî axaftinek kir û got: “Heta ku kiryar neyên darizandin, dewlet ji van gumanan xelas nabe. Kan, xwest ku Komîsyona Lêkolînkirina Heqîqetan bê avakirin û xizmên windayan jî di vê komîsyonê de cih bigirin. Serokê MEYADER’a Amedê Alî Ozgen, balkişand ser gorên komî û xwest ku bankaya DNA’yê bê avakirin.
RIHA: Xizmên windayan û rêveberên ÎHD’ê bi armanca aqûbeta windayan zelal bikin cara 27’emîn li ber Kargeriya Karakoyunê a Rihayê hatin cem hev. BDP û MAZLUMDER’ê jî piştgirî da çalakiyê. Di çalakiyê de wêneyên kesên hatin windakirin hatin hilgirtin. Li ser navê malbatan Serokê HD’a Rihayê Cemal Babaoglu daxuyanî xwend. Babaoglu, diyar kir ku Serokwezîr di hevdîtina bi Dayikên Şemiyê de gotibû “Di dema me de tu bûyerên kiryar nediyar pêk nehatine” lê di dema AKP’ê ya 9 salan de 375 bûyerên kiryar nediyar pêk hatin e û wiha got: “Serokwezîr Erdogan jî wekî Tansu Çîller a di dema wê de 17 hezar û 500 bûyerên kiryar nediyar pêk hatin, got tune ne. Lê li gorî girtekên ÎHD’ê di sala 2006’an 72, sala 2007’an 103, sala 2008’an 52, sala 2009’an 91 û sala 2010’an de jî 57 bi gîştî 375 bûyerên kiryar nediyar pêk hatine. Peywirdariya serokwezîrekî ew e ku van cînayetan zelal bike, înkar neke.”
Babaoglu, anî ziman ku ÎHD û malbatên windayan baweriyê bi komîsyona ji aliyê hikûmeta AKP’ê ve bê avakirin nayê û wiha axivî: “Tê bira we komîsyona lêkolînê ya Susurlukê jî hatibû avakirin. Rapor hatin amadekirin lê rapor ji ber sira dewletê nehatin veşartin.”
ÊLIH: ÎHD’a Êlihê û xizmên windayan di çarçoveya çalakiyen şemiyê de çalakiya rûniştinê berdewam kirin. Di nava wan de Hevserokê BDP’a Êlihê Şehmus Aslan, Serokê navçeya navendî Şerîf Çakar, Endamê MYK’a ÎHD’ê Nîhat Ekîncî, nûnerên rêxistinên civakî yên sivîl, malbatên windayan û gelek kesên din amade bûn.
Di çalakiyê de panqarta “Bila winda bên dîtin kiryar bên darizandin” û wêneyên windayiyan hatin vekirin. Li vir Serokê ÎHD’a Êlihê Osman Kunteş, daxuyaniyek da û diyar kir ku ew heta kiryarên windayiyan neyên ronîkirin û neyên darizandin dê çalakiya xwe bidomînin. Kunteş, bal kişand ser gorên komî yên dawî derdikevin holê xwest hestiyên derdikevin radestî malbata wan bên kirin. Kunteş, xwest ji bo ronîkirina rastiyan Komîsyona Lêkolîna Heqîqetan bê avakirin. DÎHA

Gora zarokên xwe dîtin lê belê vê carê jî rastî astengiya dozger hatin

 Gora zarokên xwe dîtin lê belê vê carê jî rastî astengiya dozger hatin

 

  

 

  

 

 Necat Turk, Rida Yavuz û Serhat Bîlen di şahiya pîrozbahiyên 15’ê Tebaxê yên 1992’yê de ji aliyê leşkeran ve hatin gulebarankirin û birîndar bûn piştre hatin binçavkirin

 

 
12/03/2011

 

 

 

 

Necat Turk, Rida Yavuz û Serhat Bîlen di şahiya pîrozbahiyên 15’ê Tebaxê yên 1992’yê de ji aliyê leşkeran ve hatin gulebarankirin û birîndar bûn piştre hatin binçavkirin. Malbatên ku careke din agahî ji zarokên xwe newergirtin, malbatên windayan serî li Dozgeriya Komarê ya Dêrîkê dan û diyar kirin ku zarokên wan bi komî li zeviya kêleka Girtîgeha Dêrîkê hatine veşartin û xwest gor bê vekirin. Lê dozgeriyê bi hinceta ‘delîlên piştrast dikin ku mirî di gorê de hene, tune ne’ daxwaza wan red kir.
Li Dêrikê di pîrozbahiyên salvegera 15’ê Tebaxê yên sala 1992’yan de, şahiyek hate lidarxistin û wê demê leşkeran bi guleyan mudaxeleyî pîrozbahiyên ku li devera Uçyol a Dêrikê kirin û di encamê de Necat Turk, Rida Yavuz û Serhat Bîlen bi awayekî birîndar hatin binçavkirin û malbatan careke din agahî ji wan negirt. Ligel ku şahidan wê demê îfade dan ku ew kes li ber çavên wan hatine binçavkirin jî rayedarên dewletê nexwest bûyerê zelal bikin. Di lêgerîna 18 salan de malbatên fêm kir ku zarokên wan li zeviya kêleka Girtîgeha Navçeyê ya Dêrîkê di goreke komî de hatine binaxkirin. Li ser vê yekê malbatên Turk, Yavuz û Bîlen serî li Dozgeriya Komarê ya Dêrîkê dan û xwestin ku gora komî ya zarokên tê de ne bê vekirin. Dozgeriyê serlêdana malbatan bi hinceteke balkêş red kir.

HINCETA BALKÊŞ
Li ser serîlêdana malbatan dozgeriyê bersiva neyînî da malbatan û bi îdiaya ‘delîlên piştrast dikin ku cenaze di wê gorê de hene, tune ne’ serîlêdana malbatan red kir. Birayê Necat Turk, Celal Turk diyar kir ku wan gelek agahiyên girîng wergirtine ku birayê wî û hevalên wî li nava zeviya navborî hatine veşartin û ji ber vê yekê wan serî li ÎHD’ê daye. Turk wiha got: “Piştî ÎHD’ê me serî li Dozgeriya Komarê jî da. Lê dozger serîlêdana me red kir. Ew bûyer li ber çavê me hemûyan qewimî, lê dîsa jî ew hatin windakirin.”
 
JI RASTIYÊ DITIRSIN
Serokê ÎHD’a Mêrdinê Erdal Kuzu diyar kir ku ligel hemû hewldanên wan rayedarên darazê nexwestine bûyer bê zelalkirin û da zanîn ku ew ji pêvajoya darazê ya Tirkiyeyê encamê negirin, ew ê mijarê bibin Dadgeha Mafên Mirovan a Ewropayê. Kuza bi bîr xist ku wan li devera navborî gorek dîtiye û piştî lêkolînan derketiye holê ku di wê gorê de 3 kesên ku hatine windakirin hene.
Birayê Rida Yavuz, Sedat Yavuz got ku wî jî şahidiya bûyerê kiriye û piştî xwîşka wî Rida û du hevalên wê birîndar bûn li ber çavê gelek kesên ji aliyê leşkeran ve hatin binçavkirin. Leşkeran bi gulebaranê mudaxeleyî çalakiyê kir û bêserober gule dibarandin. Yavuz wiha got: “Wê demê xwîşkeke min di bin çavan de bû. Rida jî bi awayekî birîndar hate girtin û windakirin. Şahidên bûyerê ji tirsa neaxivin.
Piştre leşker ji bo sûcê xwe veşêrin bi dehan caran hatin gund û îdia kirin ku xwîşka min çûye tevli gerîla bûye. Wan digot bêjin, ew çûye çiyan.” Yavuz got ku dayîka wî piştî bûyerê felç bûye û hê jî li benda keça xwe ye.     MÊRDÎN – DÎHA

Zarokên xwe di dilê xwe de vesartin

 Zarokên xwe di dilê xwe de vesartin

 

  

 

  

 

 Gelê kurd cenazeyên gerîlayên HPG’ê bi girseyî her yekî li bajarê wan defin kirin. Li hemberî vê xwedîderketina gelê kurd a li rûmeta xwe polîsên hikûmeta AKP’ê xwe ranegirtin û êrîşî gel kir. Gelê kurd jî bi keviran bersiv da êrîşa polîsan

 

 
07/04/2011

 

 

 

 

Girse bi taybetî  ciwanên ku di meşê de refên pêş de cih girtin bê navber dirûşmên ‘Şehîd namirin’, ‘PKK gel e, gel li vir e’, ‘Bijî Serok Apo’, ‘Tolhildan, tolhildan’ berz kirin û bertekên xwe ya li hemberî operasyonê nîşandan.
Cenazeyên 7 endamên HPG’ê yên di encama operasyona TSK’ê ya li navçeya Hassaya Hatayê de jiyana xwe ji dest dabûn, bi tevlibûna bi sedan kesan ji aliyê malbatên wan ve ji morga Tipa Edlî ya Edeneyê hatin wergirtin. Ji cenazeyên 6 HPG’iyan, yê Aydin Baran (Mazlum Amed) li Amedê li Goristana Yenikoy, Cenazeyê Zekî Durdu (Rojwan Tolhildan) dê li Meletiyê li gundê Atalay ê Yeşîlyurt û cenazeyê Bulent Doner (Devrîm Sîpan) li Wanê, cenazeyê Onder Konca (Boran Nurhak) li navçeya Elbîstana Mereşê li gundê Sevdillî, Cenazeyê Emrullah Atalmiş (Kendal Kavvar) dê li navçeya Tetwana Bedlîsê, li gundê Onsuzê û cenazeyê Şehmus Ozalp (Cîgerxwîn) jî li navçeya  Bismîla Amedê hatin definkirin.

BI GIRSEYÎ PÊŞWAZÎ KIRIN
4 cenazeyên endamên HPG’ê yên di operasyona navçeya Hassaya Hatayê jiyana xwe ji dest dan ji aliyê malbatan ve hatin girtin û şevê din anîn Amedê. Cenazeyên HGP’iyan li ser riya Rihayê ji aliyê sedan wesayîtan ve hatin pêşwazîkirin û bi konvoyê anîn Goristana Yenîkoyê. hevseroka Giştî ya BDP’ê Gultan Kişanak, hevseroka KCD’ê Aysel Tugluk û Parlamenterê BDP’ê Bengî Yildiz jî tevli pêşwezîkirinê bûn. Xwîşka Aydin Baran Gulluşan Baran, dema ku ji bo şuştina cenazeyan çû odeyê bi navê kodê bang li birayê xwe lêkir: “Mazlumê min, fermandarê min tu bi xêr hatî. Ser serê min û çav min hatî Mazlûmê min. Mazlûmê min egîdê mîn ev çend sal in tu gerîla bû. Şehîd namirin” Di wê demê de demên gelek kestiyar hatin jiyîn û ciwanan jî bi slogana ‘Şehîd namirin’ berz kirin. Di dema şuştina cenazayan de di laşê 4 cenazeyên HPG’iyan de şopa gelek guleyan hebû. Di cenazeyê Bulent Doner şopa şewatê di mil û serê wî de hebû.

LI ERXENIYÊ MUDAXALE
Konvoya cenazeyê HPG’iyê bi navê Aydin Baran (Mazlûm Amed) ê li Hassayê di encama operasyonê de bi hevalên xwe re jiyana xwe ji dest dabû gihişt navçeya Erxenê ya Amedê. Bi hezaran kesên di nav de hevseroka Giştî ya BDP’ê Gultan Kişanak û Hevseroka KCD’ê Aysel Tugluk jî di nav de heta derketina navçeyê bi cenaze re çûn. Girseya ku pankarta li ser wênêyên 7 endamên HPG’ê yên li Hassayê jiyana xwe ji dest dabûn û li ser ‘Şehîdên Kurdistanê Nemirin’ dinivîsî vekir û sloganên ‘Şehîd namirin’, ‘Bijî Serok Apo’, ‘Bê Serok jiyan nabe’ berz kir. Vê demê polîsan bi bombeyên gazê mudaxale girseyê kir û ciwanan jî bi kevir û molotofan bersiv da polîsan. Li gel mudaxaleyê jî girseyê dev ji meşê berneda û cenaze bi konvoyê ji bo bê definkirin birê kir gundê Gisgisê. AMED – DÎHA