Beştaş: Girtî li ber mirinê ne

 Beştaş: Girtî li ber mirinê ne

 

  

 

  

 

 Seroka Komîsyona Hiqûq û Mafên Mirovan a BDP’ê parêzer Meral Daniş Beştaş, ku li ser daxwaza girtiyan li Girtîgeha Tîpa F a Sîncanê lêkolîn kir

 

 
20/02/2011

 

 

 

 

Seroka Komîsyona Hiqûq û Mafên Mirovan a BDP’ê parêzer Meral Daniş Beştaş, ku li ser daxwaza girtiyan li Girtîgeha Tîpa F a Sîncanê lêkolîn kir. Beştaş diyar kir ku girtî li gel pirsgirêkên wekî xwarin-vexwarin, ragihandin û mafê sohbetê, girtî herî zêde di warê tenduristiyê de rastî binpêkirina mafan tên.
Beştaş, diyar kir ku di Girtîgeha Sîncane de rewşa girtiyên nexweş yên bi navê Abdulsamet Çelîk, Avnî Uçar û Sitki Bektaş gelek ne baş e û ev girtî niha li ber mirinê ne.
Meral Daniş Beştaş, der barê ziyareta xwe ya di 15’ê sibatê de hin agahî dan. Beştaş, diyar kir ku têkildarî binpêkirinên mafên mirovan hezarî zêdetir serdan ji partiya wan re hatine kirin. Beştaş, destnîşan kir ku di vê çarçove yê de di Girtîgeha Sîncanê de 5-6 girtiyan re hevdîtin pêkanîne û bi çavê xwe bûne şahidê binpêkirinen mafê mirovan. Beştaş, anî ziman ku mafê sohbetê yê hefteyê 10 saetan ku ji aliyê Wezareta Dadê ve hatiye diyar kirin bi teqez nayê bikaranîn û wiha axivî: “Li Sîncanê, tênê hefteyê carekê 45 deqeyan destûra sporê ya hevpar didin girtiyan. Girtî tenê dikarin hefteyê carekê bên cem hev. Dema hatin cem hev jî tenê dikarin 2 saetan hevdîtin pêk bînin. Rojnameya Azadiya Welat û hin weşanên din teqez naxin hundir.” ENQERE

****
‘Li girtîgehan 500 girtî di sînorê mirinê de ne’

Platforma Azadiyê ya Girtiyên Nexweş ên Edeneyê, daxuyand ku li girtîgehan nêzî 500 girtî di sînorê mirinê de ne. Platforma Azadiyê ya Girtiyên Nexweş ên Edeneyê ji bo ku balê bikêşe ser girtiyên nexweş li Parka Înonuyê daxuyaniyek da çapemeniyê. Di daxuyaniyê de dirûşmên; “Bila girtiyên nexweş bên berdan”, “Rûmeta mirovahiyê dê îşkenceyê têk bibe” hatin berz kirin. Li ser navê platformê Zuhal Subaşi daxuyanî xwend û got ku girtîgeh cihên îşkence, tecrît tênkirin in. EDENE

Ne zîndan in kampên êsîran e

 

Ne zîndan in kampên êsîran e

 

 

 

 

 

Li Başûr bi armanca piştgiriyê bidin girtiyên Sûriyeyê greva birçîbûnê hatibû destpêkirin. Kesên ev wehşet jiyan e gotin ku îşkenceya li zindanên Sûriyeyê tên kirin li tu deran nîn e û salek û 3 mehan di tuwaletê de hatine hiştin

 

15/03/2011

 

 

 

 

Îdrîs KARA / Abdullah RAMAZAN – HEWLÊR

‘Bi armanca protestokirina zilm û zordariya li ser kurdên rojavayê Kurdistanê yên di zindanê de ne duh komeke ji 40 kesan pêk tê li Hewlêrê dest bi greva birçîbunê kirin. Çalakvanan diyarkirin ku daxwazên wan ji NY, UNHCR û hemû rêxistinên din yên navneteweyî ew e ku bila biçin zindanên Sûriyeyê lêkolînan bikin. Ji çalakvanan Azad Dêwanî û Fatma Rojava anîn ziman ku li Sûriyeyê kurd di girtigehan de rastî îşkenceyên hovane tên destnîşan kirin ku ew ji bo piştgiriyê bidin kurdên li zindanên Sûriyeyê ku niha di greva birçîbunê de dest bi greve birçîbûnê dikin. Fatma Rojava wiha behsa sedema çalakiya xwe kir: “Daxwazên girtiyan daxwazên maqûl in. Divê ji bo daxwazên girtiyan piştgiriyeke mezin bê dayîn. Daxwaza me ji rêxistinên mafê mirovan ew e ku zext li ser Sûriyeyê bikin da ku êdî kurdan qetil neke û nexe zindanan.”

PÊKANÎNÊN HOVANE HENE
Hin girtiyên siyasî yên di girtîgehên Sûriyeyê de mane jî di greva birçîbûnê de ne. Yek ji wan welatiyê bi navê Xalîd Elî got: “Ez jî di 2003’yan de ji ber xwepêşandana UNHCR’ê ji aliyê rejîma Sûriyeyê ve hatim girtin. Salek û 3 mehan di girtîgehê de wekî giriyeke siyasî mam. Di zindanê de hemû şêweyên işkenceyê tê bikaranîn. Bi rûmeta mirovan ve tê lîstin. Hinek girtî hene ku kes nizane li kû derê ne.” Xalîd Elî da zanîn ku ew di zindanê salek û 3 mehan maye û di tuwaletê de hatine hiştin û hemû pêdiviyên xwe li tuwaletê de bi cih anîne. Xwarin, vexwarin, tuwalet hemû di ciheke de bûye.
Xalid Eli ku yek ji girtiyên siyasî ye ku di zindana li Sûriyeyê de maye, da zanîn ku di serdanên ku bi tenê 5 deqîqeyan e û di hevdîtinan de kurdî qedexe ye. Eli wiha got: “Dema malbatên me dihatin ji aliyê rayedarên Suriyeyê ve destpêkê de dibirin odeyek jêre xeberên nexweş dikirin, di nava kesên dihatin serdanê de gelek ixtiyar jî hebûn li wana gef dixwarin, bi rûmeta wan dilizîn”. Eli her wiha diyar kir ji salên 1980’ê nêzîkî 10 hezar kes winda hene û got mirov işkenceya li Sûriyeyê tê kirin nizane çawa bêje ji ber ku rezaleteke û şermeke mirovahî ye.
Girtiyek din ê siyasî yê bi navê Mehmud Yaqub jî rezaleta li girtigehê anî ziman û wiha got: “Ez 6 mehan li zindana Feyha a Şamê mam, zilm û zordariyek bê navber û bêdawî heye. Îşkenceyeke mirov li tu carî li mirovan neke heye û got di nava van şeş mehan de îşkenceyên weke; elektrîk, heyzeran, şertît, ava sar û gelek cureyên din yên îşkencêyê li me kirin û hîna jî ev berdewam e û li hemû kurdan jî vê îşkenceyê dikin.”
Hate diyarkirin ku dê greva birçîbûnê ya çalakvanan sibe bi daxuyaniyeke çapemeniyê bi dawî bibe.
Daxwazên girtiyên li Sûriyeyê di grevê de ev in; “Serbestberdana girtiyên siyasî û bidawîanîna         binçavkirinên nû, rakirina rewşa awarte, berfirehkirina azadiyên giştî û dawîanîna îşkenceyê” ne. DÎHA