Tu tişt nikare cihê bavê min dagire

‘Tu tişt nikare cihê bavê min dagire’

Çalakiyên xizmên windayan û ÎHD’ê li Amed û Êlihê berdewam kir. Keça Huseyîn Taşkaya Serpîl Taşkaya wiha got: “Ez îro 24 salî me. Di jiyana min de valahiya bavê min dê çi û kî tije bike?

05/12/2010

Çalakiyên xizmên windayan û ÎHD’ê li Amed û Êlihê berdewam kir. Keça Huseyîn Taşkaya Serpîl Taşkaya wiha got: “Ez îro 24 salî me. Di jiyana min de valahiya bavê min dê çi û kî tije bike? Xeyalên me yên em bigihijîn hestiyên bav û dayik, hevser û zarokên me ye.” ÎHD’a Amedê û xizmên windayan çalakiya xwe ya her hefte li Parka Koşuyoluyê li dar xistin pêk anîn. Vê hefteyê çîroka Huseyîn Taşkaya yê ku di 6’ê kanuna 1993’yan de li Sîweregê hate windakirin ji aliyê keçe wî Serpîl Taşkaya ve hate vegotin. Taşkaya wiha got: “Di van çalakiyan de dixwazin gorên tomarî û bîrên mirinan bên vekirin. Hemû rayedarên Tirkiyeyê bêdeng in. Ew bêdeng in lê em bêdeng nabin.” Serpîl Taşkaya ku serpêhatiya bavê xwe Huseyîn Taşkaya bi kurtasî vegot, windakirina bavê xwe bi van gotinan anî ziman: “Bavê min li Siweregê bi roj saet li dor 12.00’yan ji aliyê tîmên taybet, leşker û cerdevanan ve di encama serdagirtina malê de hate binçavkirin. Wê rojê li gel bavê min, bidehan kesên din jî hatibûn binçavkirin. Serpel Ahmet Şenturk ê wê demê operasyon dimeşand, niha ji doza an Ergenekonê tê darizandin. Li gel Şenturk, amîrê Midûriyeta Polîsan Kemal, ji êşîra Bucakan jî sercerdevan Ahmet Bucak hebû. Piştî vê bûyerê ji neçarî me Siwêreg terikand. Wê rojê piştî qezaya bi mirina cerdevanan biencam bû, bavê min ê li Fermandariya Cendirmeyan di bin çavan debû ji bo bê înfazkirin teslîmî cerdevanan tê kirin.” Taşkaya, anî ziman ku bavê wê li hemberî polîtîkayên li dijî kurdan têdikoşiya û wiha axivî: “Pirsgirêka min ne polîtîka, siyaset û maf û azadiyê. Ez dibêjim ey efendîno, xanimno, derxin hemû nasnameyên xwe yên siyasî. Zaroktiya xwe bi bîrbixin. Bifikirin ku hûn 7 salî ne. We resmek xêr kiriye, yê xweşiyan e. Hin kes bavê we, kêfxweşiya we dikuje, xeyalên we dikuje. Ey xanimlo, efendîno, yên dibêjin ‘Kuştinên kiryar nediyar pêwîst bûn. Ev terorîst bûn, ji bo ewlehiya dewletê diviya bimrana’, yên çepikan ji kujeran lêdidin, bavê min kes nekuştibû. Ez bawer nakim ku moristanek jî kuştibe. Niha ez di rojnameyan û televîzyonan de ez kesên berpirsiyarê mirina bavê xwe dibînim. Ez naxwazim ew bimrin. Ez naxwazim zarokên wan bê bav bimînin. Lê daxwazek min heye, destê xwe bixin wijdanê xwe demekê jî be dev ji hemû nasnameyên xwe berdin bila tenê mirovahiya xwe ya pak bimîne. Û li van bûyerên tên jiyîn binêrin. Wê demê hûn dê vê êş û dramê bibînin. Îro ez 24 salî me. Kî dikare valahiya di jiyana min de a bêyî bavê min tijî bike? Niha jî dibêjin, ‘Hûn çi dixwazin’. Êşên me û travmaya zilma me jiyaye heye. Xeyalên me yên gihîştina hestiyên dayîk, bav, hevser û zarokên me heye. Em bibiryarin ku serî li hemberî van zaliman netewînin. Heta aqûbeta windayan diyar bibe, kiryarên wan bên dîtin û bên darizandin, em dê wan bibîr bînin û hesap girtina xwe bidomînin.” Li Êlihê jî xizmên windayan û rêveberên ÎHD’a Êlihê bi heman armancê li Kolana Gulistan çalakiya rûniştinê pên anî. AMED – ÊLIH

Çalişkan: Birayê min terkî mirinê kirin

 Çalişkan: Birayê min terkî mirinê kirin

 

  

 

  

 

 Welatiyê bi navê Hasan Çalişkan diyar kir ku birayê wî Îdrîs Çalişkan di 1999’an de ji bo şermezerkirina anîna Rêberê PKK’ê Abdullah Ocalan a Tirkiyeyê xwe şewitandiye û ligel ku 12 sal derbas bûye jî birayê wî nayê tedawîkirin

 

 
12/03/2011

 

 

 

 

Welatiyê bi navê Hasan Çalişkan diyar kir ku birayê wî Îdrîs Çalişkan di 1999’an de ji bo şermezerkirina anîna Rêberê PKK’ê Abdullah Ocalan a Tirkiyeyê xwe şewitandiye û ligel ku 12 sal derbas bûye jî birayê wî nayê tedawîkirin. Çalişkan wiha got: “Birayê min tenê dikare li ser piyan bisekine. Lê piştî demeke ev jî nabe. Birayê min terkî mirine hatiye kirin.”
Binpêkirin mafên mirovan ên girtîgehên Tirkiyeyê bi dawî nabin. Birayê Çalişkan Hasan Çalişkan diyar kir ku ligel ku 12 sal derbas bûye jî pirsgirêkên birayê wî berdewam dikin. Çalişkan got ku birayê wî li Girtîgeha Yozgatê agir berdabû bedena xwe û wiha berdewam kir: “Sing, qirik, mil û rûyê birayê min şewitîn. Piştî bûyerê we rakirin Nexweşxaneya Dewletê ya Yozgatê. Lê li wir bi ranzayê ve hate zincirkirin. Di bin navê tedawiyê de rastî îşkenceyê hat. Li ser vê yekê birayê min xwest sewqî Girtîgeha Sincanê bê kirin.” Ji ber ku birayê wî li Enqereyê nehat tedawîkirin di 2005’an de ew birine Girtîgeha Tîpa F a Boluyê. Çalişkan da zanîn ku li vê derê jî di bêvinê birayê wî de hestî derketiye û ji cîger û damarên wî de jî pirsgirêk derketine holê. Ji ber nexweşiyan êdî nikare biaxive.

‘EZ MIROV IM’
Çalişkan dest nîşan kir ku li Boluyê jî birayê wî nehatiye tedawîkirin û ew şandine Enqereyê, bi awayeke kelepçekirî derxistine pêşberî bijîşk. Çalişkan wiha berdewam kir: “Birayê min qebûl nekir. Ji bijîşk re got ku ez mirov im, ne sewal im, tedawiya bi vî rengî qebûl nakim. Li ser vê helwestê ew careke din şandin Boluyê.” Çalişkan diyar kir ku ji ber ku ji destên wan tiştek nayê serî li ÎHD’ê dane û di encanma hewldanên ÎHD’a Stenbolê birayê wî careke din birine Enqereyê. Lê li Enqereyê tenê mudaxaleyî hestiyên bêvinê wî kirine û şandine Girtîgeha Tîpa F a Sîncanê.

FERASTEKE ÇAWA YE
Birayê girtiyê nexweş Hasan Çalişkan, nêzîkatiya bijîşkan a mudaxale nekirina birînên şewatê rexne kir û wiha got: “Ev feraseteke çawa ye. Miroveke li ber mirinê ye tê pêşiya we û hûn wî tedawî nakin. Dernamek jî nedan.
 Dema ku diçe revîra girtîgehê jî jê re dibêjin derman pir buhe ne tu dê bikirî. Mafên jiyanê nadin birayê min.”
Birayê Çalişkan dest nîşna kir ku li Boluyê rapora acîl dane birayê wî lê li Enqereyê ev rapor hatine çirandin û rapora saxlem e dane wî. Çalişkan wiha got: “Rewşa birayê min her diçe xirab dibe. Niha tenê li ser piyan disekine. Lê sibehê dusib dê ew jî nebe. Birayê min terkî mirinê kirin.”
Çalişkan got ku ji bo ku birayê wî bê tedawîkirin dê serî li her derê bide û bi parlamenterê BDP’ê yê Amedê Akin Birdal re hevdîtin pêk aniye. Di demeke kin de jî dê serî li ÎHD’ê bide. ENQERE