ÖDP’de Yüzde 30 Kadın Aday

12 Nisan 2011 Salı 15:14

ÖDP’nin 81 ilden, 550 milletvekili adayının yüzde 30’u kadın. Parti genel başkanı Alper Taş, İstanbul 1.bölgeden aday.

Özgürlük ve Dayanışma Partisi (ÖDP), 12 Haziran Genel Seçimleri’ne  81 ilde ve 85 seçim bölgesinde 550 adayla katılıyor.

Parti genel başkanı Alper Taş, İstanbu 1. bölge, genel başkan yardımcıları  Sema Solaklı, İstanbul 2. bölge, Haydar İlker, Ankara 2. bölge, Önder İşleyen Ankara 2. bölge, Kemal Ulusaler Konya’dan aday.

Parti yazılı açıklamasında “Seçimler için işçilerin, emekçilerin, gençlerin, kadınların, devrim ve sosyalizmin kürsüsünü oluşturduk.”dedi.

“Adaylarımız üniversitelerde özgürlük mücadelesi yürüten gençliğin yükselen muhalefetinin temsilcilerinden; kadın cinayetlerine ve emek sömürüsüne direnen kadınlardan; fabrika kapılarında ekmekleri için greve çıkan işçilerden; derelerinin satılmasına ve nükleer santrallere karşı mücadele edenlerden; ülkenin aydınlık yüzlü gazetecilerinden, doktor, avukat ve sanatçılardan oluştu.”

Yüzde 30 kadın aday

İstanbul 2.bölgeden Mehmet Cengiz Bozkurt, Sabri Kuşkonmaz, Cüneyt Cebenoyan, Selçuk Özbek aday olurken;  Burhan Sönmez Yalova, Riitta Leena Cankoçak,  İstanbul 2. bölge, Bilge Seçkin Çetinkaya ise İstanbul 3. bölgeden milletvekili adayı.

Partinin adayları arasında, Bursa, Eskişehir ve Kilis’te tamamı kadın olmak üzere toplamda yüzde 30 kadın, yüzde 32 işçi, yüzde 15 genç milletvekili adayı yer alıyor. BİANET

Di navbera hêzên Qedafî û dijberan de şerê kolanan

Di navbera hêzên Qedafî û dijberan de şerê kolanan

Şerê di navbera hêzên girêdayî Qedafî û yên muxalifên wî de dijwartir dibe û li bajarê Ecdabiyayê ev şer vegeriya şerê kolanan û ev bajar di destê kê de bimîne dê ew bibe serdetsê vî şerî

11/04/2011

Hate ragihandin ku hêzên muxalifên Qedafî li bajarê Ecdabiyeyê êrîş birine ser hêzên girêdayî lîderê Lîbyayê Muemer Qedafî û şer di nava kolanên bajêr de dewam kir. Ev şerê ku êdî dakete nava kolanan di encamên destpêkî de li gor çavkaniyên muxalifên Qedafî 8 kes ji serhildêran hatine kuştin. Heke hêzên alîgirê Qedafî bikaribin bajarê Ecdabiye bixin bin kontrola xwe dê ev bajar bibe rawestgeha hêzên Qedafî ku ji wê derê êrîşan bibin ser navenda muxalifan bajarê Bîngaziyê ku 160 K.m dûrî Ecdabiyê ye. Ji bo muxalifan jî ketina vî bajarî ya destê Qedafî tê wê wateyê ku êdî hêzên Qedafî dikarin cih li muxalifan teng bikin û ew jî dê wekî Misrata bike nava xelekek ji ambargoya hêzên Qedafî. Di vê navberê de hin berpirsiyarên muxalifan rexneyên tund li rêveberiya hêzên NATO’yê kirin û bi taybetî jî piştî ku êrîşek li dijî kerwaneke hêzên muxalîfan pêk anîn. Ji aliyekî din ve kêfxweşiya xwe ji zêdekirina êrîşên li dijî hêzên Qedafî jî anîn ziman. Hate ragihandin ku li Lîbyayê yekîneyên bi Qedafî ve girêdayî duh di êrîşa ku li Misratayê li dijî mûxalîfan de pêk aniye de 30 serhildêrên mûxalif hatine kuştin. Çavkaniyeke ku ji ajanseke biyanî re axivî destnîşan kiriye ku hêzên Qedafî ji sê milan ve êrîşî bajêr kirine û 30 serhildêrên mûxalifî Qedafî kuştine. Kesên ku bi navê ‘Abdulselam’ ji ajansa biyanî re axivî û got ku digel her tiştî jî Hêzên mûxalîf li hemberî hêzên Qedafî li ber xwe dide û îdîa kir ku rê li ber pêdeçûna hêzên Qedafî girtine. NATO’yê daxuyand ku roja în û şemiyê bi giştî 17 tangên Qedafî îmha kiriye. Rayedarekî NATO’yê ku nexwest navê wî were aşkerekirin anî zimên ku li Misratayê 15 û li Bregayê jî 2 tanqên hêzên Qedafî îmha kirine. Rayedarê NATO’yê destnîşan kir ku roja înê roja herî zêde şer gur bûye û gele mirî û birîndar jî hene ku haya çapemeniyê jê nîn e. TRABLUS Yekitiya Afrîkayê dixwaze Lîbya aram bibe Di panela Yekitiya Afrîkayê de hate xwestin ku ‘Di demeke zûtir de bila li Lîbyayê aramî pêk were.’ Panêla Yekitiya Ereban li bajarê Bîngazî yê Lîbyayê ku serhildêr bihêz in, hate lidarxistin û ji hêla Serokomarê Moritanya Mihemed Old Ebdilezîz ve hate rêvebirin. 5 lîderên afrîkî ku hewldidin navbeynkariyê bikin beşdarî panelê bûn û destnîşan kirin ku bibiryar in nexşêreyek saz bikin û neyartiyan bidawî bînin û di navbera beşên Lîbyayê de diyalog damezrînin. Berdevkê serhildêran Mustafa Abdulrehman got ku şer niha li Misratayê didome û hêzên NATO’yê pir hêdî bersivî êrîşên hêzên dewletê didin. Abdurehman pirsyar kir ku, çi li NATO hatiye ku dereng bersiv dide û serhildêr ji vê rewşa dereng tevgerînê pir xembar in. Ji serhildaran kesek ku navê xwe wekî Abdilselam da zanîn ji Reutersê re got ku hêzên hikumetê ji sê eniyan êrîşê Misrata kirine û got ku “xebatkaranên tenduristî û serhildêran ji min re gotin ku herî kêm 30 serhildêran jiyana xwe ji dest daye.”

19

Danûstandina xwe êdî dê bi kurdî bikin

Danûstandina xwe êdî dê bi kurdî bikin

Endamên KURDÎ DER’ê di çarçoveya ‘kampanyaya bazar û danûsitandina bi kurdî etîketên bi kurdî’ de li navçeya Çinarê ya Amedê, etîketên li ser tiştên firotinê yên bi kurdî belavî esnafan kirin.

28/12/2010

Endamên KURDÎ DER’ê di çarçoveya ‘kampanyaya bazar û danûsitandina bi kurdî etîketên bi kurdî’ de li navçeya Çinarê ya Amedê, etîketên li ser tiştên firotinê yên bi kurdî belavî  esnafan kirin. Esnafên Çinarê kêfxweşiya xwe ji bo vê pêk anînê anîn ziman û gotin dê êdî etîketên wan bi kurdî bin.

412

Nexşeriya Ocalan dê riya çareseriyê diyar bike

Nexşeriya Ocalan dê riya çareseriyê diyar bike

Nexşeriya Rêberê PKK’ê Abdullah Ocalan a sal û nîvek berê ji bo çareseriya pirgirêka kurd amadekiribû û di raya giştî de bûbû sedema gelek heviyan, bi riya DMME’yê teslîmî parêzeran tê kirin.

31/12/2010

Nexşeriya Rêberê PKK’ê Abdullah Ocalan a sal û nîvek berê ji bo çareseriya pirgirêka kurd amadekiribû û di raya giştî de bûbû sedema gelek heviyan, bi riya DMME’yê teslîmî parêzeran tê kirin. Li bendê ye ku di demeke nîqaşên “Xweseriya Demokratîk” û “Jiyana duzimanî” tên kirin de “nexşe rê” dê tevkariyekî mezin bide pêvajoyê û bersiva gelek pirsan jî bide. Ji parêzerên Buroya Hiqûqê ya Sedsalê Îrfan Dundar diyar kir ku li bendê ne ku di rojên pêş de bi riya DMME’yê Nexşeriyê bidin wan. Dundar, anî ziman ku serlêdana wan li DMME’yê kir parastin ji 550 rûpelan na ji 710 rûpelan pêk tê. Dundar, da zanîn ku dema DMME’ya di 5’ê çileyê de dê bi dawî dibe û îhtîmaleke mezin dê “Nexşeriyê” bidin. Dundar, bilêv kir ku Nexşerê pêşniyareke gelek girîng e û ji 156 rûpelan pêk tê û wiha got: “Di hevdîtinan de jî hinek aliyên nexşeriyê ji aliyê birêz Ocalan ve hate gotin. Di nexşeriyê de pêşniyarên ji bo çareseriya pirsgirêka kurd hene. Di nexşeriyê de mafên kurdan, hêzên çekdarî û têkoşîna siyasal dê çawa bê çareserkirin tê nîqaşkirin. Gelek berfireh e. Nexşerê dê tevkariyekê bide nîqaşên tên kirin.” Dundar, destnîşan kir ku projeya Xweseriya Demokratîk a Ocalan e û projeyeke di rojaneya û wiha got: “Ji ber wê yekê gelek girîng e. Dibe aliyên wê yên kêmasî hebin. Lê ramaneke bingehîn heye ew jî Xweseriya Demokratîk e. Nîqaşên li ser perwerdehiya kurdî em dê di wir de bibînin. Her wiha têkildarî parastina rewa û hemû faktorên din jî tê de hene.” Dundar, da zanîn ku ew dê nexwşe riyê ji dest bigirin û dê bi daxuyaniyekê ji raya giştî re aşkera bikin. Ocalan cewherê nexşerê ragihandibû “Nexşeriya” Ocalan a ji aliyê raya giştî ve bi awayekî mezin dihate meraqkirin di hevdîtinên parêzeran de hinek nîşaneyên wê dan. Ocalan ji bo çareseriyaê tesbîta qanûn, dad û makeqanûnê kir û pêşniyar pêşkêş kirin. Ocalan di hevdîtanan de welatê hevpar jî vekir û got, “Welatê hevpar Tirkiye û Kurdistan e. Kurd dê hem Tirkiyeyê hem jî Kurdistanê wekî welatê hevpar qebûl bikin. Tirk jî dê hem Tirkiyeyê hem jî Kurdistanê wekî welatê hevpar bizanin.” Ocalan têkildarî nîqaşên muxatabê pirsgirêka kurd kî ye jî di hevdîtina 15’ê nîsana 2009’an de zelal kir û wiha got: “Muxatabê vî karî ez im.” Ocalan, anî ziman ku polîtîka karê muzekereyê ye got, “Her tim min yekalî ev kar kir. Polîtîka yekalî nabe. Dualî ye û muzakere ye.” Ocalan, di hevdîtinên xwe de anî ziman ku ew alîgirên çareseriya demokratîk in û heke çareseriyê li operasyonên leşkerî bigerin dê wê demê çek însiyatîfê bigire. Rêberê PKK’ê Ocalan dema dest bi nivîsandina Nexşeriyê kir daxuyand ku ew dê Makeqanûna 1921’an esas bigire û wiha got: “Di makeqanûna 1921’ê de ji bo kurdan xweserî hebû. Îro tê wateya Xweseriya Demokratîk. Heke çareserî pêk bê divê makeqanûna 1921’ê esas bê girtin.” Ocalan nîqaşên makeqanûnê jî nirxandin û ev pêşniyar kir: “Pêşniyara min ew e ku makeqanûna 1921’ê mînak bigirin. Li ser vê makeqanûnê lêkolînan bikin. Ji bo vê pêşnûmaya nû ez dikarim vê pêşniyarê bikim. ‘Makeqanûna Komara Tirkiyeyê hemû çandan bi awayekî demokratîk hebûna wan qebûl dike û xwe anîna ziman jî qebûl dike.’ Ev hevok bes e.” Ocalan, bal kişand ser rola rêxistinên sivîl ên civakî û wiha got: “Ez ji bo çareseriya pirsgirêka kurd navbêjim ‘bila dewlet’ tunebe. Dê dewlet hebe lê dê rûmetê nîşanî hemû azadiyan bide. Modela min a çareseriyê wisa ye; Dê dewlet hebe lê li aliyê din dê neteweya kurd a demokratîk jî dê hebe. Kurd dê hebûna dewletê binasin. Dewlet jî dê neteweya kurd a demokratîk qebûl bike.”STENBOL – DÎHA

Meha Adarê dê bibe duryanek

 Meha Adarê dê bibe duryanek

 

 

 

 Rêberê PKK’ê Abdullah Ocalan got ku hin gavên pratîkî yên baweriyê neyên avêtin dê ji adarê pêde ji navberê vekişe, divê gelê me û her kes vê yekê bizanibe.

 

  

 

 
15/01/2011 – 07:28

 

  

 

 

Rêberê PKK’ê Abdullah Ocalan got ku hin gavên pratîkî yên baweriyê neyên avêtin dê ji adarê pêde ji navberê vekişe, divê gelê me û her kes vê yekê bizanibe.
Rêberê Gelê Kurd Abdullah Ocalan çarşema borî di hevdîtina xwe ya hefteyî de geşedanên rojevî û der barê mijarên dîrokî de agahiyên girîng da. Ocalan behsa parêznameyên xwe kir û got ku ew bawer e nexşerêya ku di 2009’an de amade kiribû gihîştiye DMME’yê. Ocalan, got ku ew li gorî şertên wê rojê hatibû amadekirin lê di parêznameya xwe ya cîlda 5’emîn de bi berfirehî vegotiye. Ocalan, destnîşan kir ku ji nexşerêyê dikare sûd bê girtin û 10 rêgezên ku destnîşankirine gelekî girîng e û ev rêgez divê bi berfirehî bê nîqaşkirin û fêmkirin.

DIVÊ BI GEL BIDIN FÊMKIRIN
Ocalan, ragihand ku KCD di gelek mijaran de bi derengî dimîne û gelek caran gotiye divê xweseriya demokratîk baş bê nîqaşkirin û bi gel bidin fêmkirin. Ocalan, diyar kir ku heta bingeha wê çênebe, neyê temamkirin komxebata ku îlana wê bê kirin pêk hat. Nîqaşên li ser xweseriya demokratîk destpêk e, ev startek e. Ocalan, got ku xisûsên tîne ziman di raya giştî de dibe sedema nîqaşên şaş û bi awayekî kêm digire dest û wiha got: “Min got ev proje di nava gel de bê nîqaşkirin. Bêyî ku amadekarî bê kirin, wekî îlanekê ji raya giştî re hatiye pêşkêşkirin. Dîsa nîqaşên der barê Hîzbulahê de jî. Divê ev mijar bi bûyerên dîrokî re dest bê girtin. Tenê bi aliyê rojane bê nirxandin, nayê fêmkirin û kêm dimîne. Her karê me divê wateyek wê û kûraniyeke wê hebe.”

HEGEMONYAYA AKP’Ê
Ocalan, diyar kir ku AKP dixwaze hegemonyaya xwe înşa bike û talûkeyekê wisa heye. Ocalan, got ku di van demên dawî de bi awayekî hûrbînî li ser AKP’ê disekine û dixwaze medya û her derê bi dest bixe. Ocalan got ku têgihiştina modernîteya demokratîk ku ew pêş dixin, bala gelek kesan dikişîne, nîqaşên cidî ji aliyê pispor û fîlozofan li ser tê kirin û nîqaşên têne kirin nêzî feraseta modernîteya demokratîk ku ew pêş dixînine.
Ocalan, bibîrxist ku li Tirkiyeyê şerê bi destxistina hegemonyayê digihêje sed salî; yekem serkêşiya wê CHP dike, hegemonyaya laîk-komarî. Ya duyemîn jî ku AKP serkêşiya wê dike hegemonyaya tirk-îslamî ye. Ocalan, got ew her her du hegemonyayan jî red dikin û riya sêyemîn feraseta modernîteya demokratîk pêş dixin û wiha got: “Di modernîteya demokratîk de li hemberî mafên mirovan rêzgirtin, pergaleke demokratîk, qanûnî-makeqanûnî heye. Azadîxwaz e. Mebest welatiyên azad e.”

TIFAQA TIRK Û CIHÛYAN
Ocalan, got ku hegamonyaya laîk-komarparêz di destpêka salên 1920’î de bi hevkariya çîna navîn a tirk û cihûyan pêk hat. Ocalan, derbirî ku di çarçoveya vê tifaqê de avakirina komarê pêk hatiye û aliyên li hemberî vê tifaqê wekî xetere dihatin dîtin, hatine tasfiyekirin.
Ocalan got ku hêza piştgira vê tifaqê Îngilistan bû û destnîşan kir ku entelektuelên cihû jî di nava vê tifaqê de cihê xwe girtiye, bi vê yekê bingehê ‘tirkîtiya spî’ hatiye avêtin. Ocalan ligel ku wê demê tu dewletên cihûyan nebûn, bal kişand ser vegera wan a ji bo Anatolyayê û wiha got: “Tiştê wê demê derketiye holê teşeyê destpêkê yê dewleta Israîlê bû. Tifaqa di navbera salên 1923-1950’yan de hatiye avakirin serdest bû.” Ocalan, diyar kir ku tifaqa di navbera dewleta tirk û cihûyan de bi rêbazên provokatîf tasfiyekariyeke mezin pêkaniye û ji bo vê yekê jî provokasyona li hemberî Şêx Seîd hatiye bikaranîn wekî mînak nîşan da.
Ocalan, got ku ji sala 1950’yî pê de ku Tirkiye bû endamê NATO’yê hegemonyaya laîk-komargerî hinekî cuda bûbe jî bandora xwe berdewam kir û wiha got: “Bi endamtiya NATO’yê re li Tirkiyeyê rêxistina Gladio mudexeleyî geşedanên civakî kir. Gladio rêxistina NATO’yê ya şerê taybet e. Heta salên 1980’yê Gladio NATO’yê û Gladioya Tirkiyeyê yek e. Ji bo baş bê fêmkirin mînakekê bidim Agca ji bo li hemberî Papa sûîqestê pêk bîne ji girtîgehê hate revandin. Ji salên 80’î pê de guherî, Kenan Evren ji bo vê guherîne dibêje: “Têkiliya navbera Gladio Tirkiye û Gladioya NATO’yê piştî salên 80’yî cudabûn çêbû. Di salên 90’î de Gladioya Tirkiyeyê bû xweser.” Ev gotinên Evren rewşê baş îfade dike.”guherî ji di salên 90’î de xweser bû. Ocalan, diyar kir ku bi darbeya Çîllerê re Gladioya Tirkiyeyê bû xweser û wiha got: “Hewldanên çareseriyê yên Ozal û fermandarê Giştî yê Cendermeyan Eşref Bîtlîs hebûn. Ev hewldan Gladio nerehet kiribûn.” Ocalan, got ku ligel hemû xetereyan Ozal li hemberî wan serî netewand u wiha got: “Piştî mirina Ozal, dema serokwezîtiya Çîller û Fermandariya Giştî ya Dogan Gureş hat. Ev dem dema herî reş ya Komara Tirkiyeyê ye. Xwesertiya ku Kenan Evren behs dike ev e. Ev darbeya Çîllerê ye. Di wê demê de 4 hezar gund hatin şewitandin bi hezaran kurd koçber bûn û bi deh hezaran hatin qetilkirin. Ev encam ji qirqirina fîzîkî ya rûm û ermeniyan girantir bû. Lê serkeftina li ser rûm û ermeniyan pêk hat li ser kurdan pêk nehat.”
Ocalan, got ku bi derketina PKK’ê re rêveberiya başûrê Kurdistanê jî tevli tifaqa Gladioyê kirin. Piştre Sûriye û Îran jî tevli vê tifaqê kirin. Ocalan, diyar kir ku ji bo çareseriya pirsgirêka kurd hin gavên bi niyeta baş xwestin biavêjin, lê hatin tasfiyekirin. Ocalan, got ya dixwazin ava bikin “Hamasa kurdan e”, çawa bi avakirina Hamasê FKO xilaskirin, li vir jî dixwazin îslamparêziya sexte ava bikin û tevgera kurd xilas bikin û wiha got: “Ne rast e ku ji wan re bêjin Hamasa Kurd jî, ev şebeke ne. Erê ez dê ji van re bêjin “şebeke” Ev şebeke li aliyekî jî dibêjin em misliman in. Tu têkiliya van bi ol û Îslamiyetê re jî tuneye. Nêzîkahiya wan ya li hemberî kurdan bi temamî faşîzane ye.”
Ocalan, got ku tehliyeya endamên Hîzbulahê divê di çarçoveya daxwaza pêkanîna hêza hegemonîk ya AKP’ê de bê nirxandin û wiha got: “Lazim e em van tehliyeyan wekî berdana sê-çar kesan nenirxînin. Ev xelet e. Wekî encam, van kesan heta niha bi sedan mirovên me bi avayekî bê însaf kuştine. Tehliyekirina wan têrê nekir, li nava Amedê bi dîlanê hatin pêşwazîkirin! Halbûkî, diviya bi avayekî xurt bertek hatiba nîşandan.” Ocalan, têkildarî mijarê, daxuyaniya xwe ya hefteya borî got ku wî ji wan re gotibû ku eger di nava wan de misilmanên, durist û samîmî hebin, ji kirinên xwe poşman bûbin, bila bi avayekî samîmî rexnedayîna xwe bikin, lêborîn bixwazin. Wê demê dikarin di nava KCD’a kurdan, Konseyên Bajaran de cih bigirin û wiha got: “Min bi banga xwe xwestibû van tiştan bêjim. Tu pirsgirêka me bi misilmanên samîmî re tuneye.” Ocalan, got ku zihniyeta tehliyekirinên Hîzbulahê û zîhniyete neçareseriyê heman zihniyet e û ev tehliyekirin ne ji rêzê ye.

HETA MEHA ADARÊ
Ocalan, bal kişand ser heyeta ku ew ziyaret kiriye û wiha got: “Ez dibînim ku ev heyet di nava hewldamek niyeta baş de ye. Lê ez nizanim ku ev heyet çiqas xwedî bi erk û raye ye. Nizanim dê çiqasî li ser hikûmetê bandorê bike.” Ocalan, da zanîn ku niha nikare bêje ev pêvajo dê çawa pêş bikeve. Ocalan, bal kişand ser helwesta dewletê û wiha dirêjî da axaftina xwe: “Divê AKP heta meha adarê hin gavên pratîk bavêje. Ger ku heta meha adarê hin gavên erênî û girîng neavêje, wê demê ez dê xwe bidim alî. Ger ku pêvajo bi rageşî û bêbaweriyê pêş bikeve, dê pêvajoya hilbijartinê jî bi êş derbas bibe. Divê gelê me zanibe ku gavên pratîk ên erênî pêş nekeve, dibe ku ez xwe bidim alî.”
Ocalan, da zanîn ku ew dê di meha adarê de nirxandinek giştî bike û wiha lê zêde kir: “Lê ger ku bi vî rengî pêşketin pêk bê ez berpirsiyariyê nadim ser xwe. Berpirsiyariya min bê wate dimîne. Em dê bibînin ku AKP ji bo çareseriyê çiqas amade ye. Dane û delîlên ku AKP bi serdestiya xwe li Tirkiyeyê hêza îslama faşîst înşaa dike aşkare dibe.”
Ocalan, daxuyand ku ji ber ku cihê wê hatiye dixwaze xwerexnedana xwe jî bide û wiha lê zêde kir: “Hefteya borî min bi kurtasî behsa mijara navborî kiribû. Ez difikirim ku bi doza Ergenekonê bêtir kesên şerxwaz û li dijî aştiyê hatine girtin, lê belê piştre min dît ne wisa ye. Dema mirov baş dişopîne, dibîne ku kesên şerxwaz û li dijî aştiyê nehatine tasfiyekirin. Bêtir kesên berê deşîfre bûbûn hatin cezakirin. Lê kesên li dijî çareserî û aştiyê yên ku nehatine naskirin hêj tên parastin. AKP dixwaze Gladioya xwe ava bike. AKP, di mijara Ergenokonê de gel dixapîne. Wekî ku kesên li dijî şer tasfiye dike xuya dike, lê di rastiya xwe de ne wisa ye.” Ocalan, da zanîen ku bingehê peymana di nava AKP’ê û artêşê de di sala 2007’an de ji aliyê Buyukanit û Erdogan ve li Dolmabahçeyê hatiye avêtin. Di vir de peymanek û lihevkirinek heye.”
Ocalan di hevdîtina xwe de bal kişande ser rola Îranê ya di nava eniya dij kurd de û bi van gotinan diyar kir ku polîtîkayên Tirkiyeyê û yên Îranê hevdeng dimeşin û wiha got: “Çareseriya pirsgirêka kurd a li dewletekê ji van, ya li dewleta din jî çareser dike. Lewra di heman çarçoveyê de tevdigerin. Li Îranê kurd tên îdam kirin, dîsa Gewer ku li sînorê Îranê ye dibe hedefa her dû aliyan. Di dema AKP’ê de serdanên Îranê zêde bûn. Erdogan û Ehmedînejat êdî mîna du cêwiyan tevdigerin.”
Ocalan bal kişand ku tehdîta tevkijiyê ya li ser kurdan hêna heye û ragihand ku piştî Colemêrgê dibe li Cizîr, Şirnex, Amed û Batmanê pêla êrîşan dest pê bike û banga hişyariyê kir. Ocalan careke din bal kişande ser herêma Colemergê û diyarkir ku sedema tundbûna êrîşên li vir kurdbûna herêmê ye û hişyar kir.

DIVÊ QENDÎL GEL BIPARÊZE
Ocalan xwest BDP xetereyên tên rojevê baş bibine, li gel xwedî derkeve û biparêze. Ocalan xwest gelê ku ji bo îradeya xwe beyan bike derdikeve kolanan were parastin û di heman demê de rexne li rêveberiya herêma Qendîlê kir ku di warê parastina gel de lawazî hene. Ocalan ji bo hemû qadan jî çareseriya bi tenê ya mîna tedbîra li hemberî êrîşan mîna rêxistinkirina parastina xweser binav kir.
Ocalan di heman demê de bersiv da nirxandinê Serfermandariya Giştî ya Tirk a der barê parastina xweser de û wiha axivî: “Çi dibe bila be divê em hebûna xwe biparêzin. Dibe ku li vir bêm kuştin jî, ev yek jî ne girîng e. Em ê di her rewşê de parastina hebûna xwe esas bigirin. Parastina xweser mafekî gerdûnî ye.”

Lîstika xetere dixin dewrê

OCALAN, destnîşan kir ku hewldanên fêrkirina misilmaniyê ya gelê kurd bêwate ye û bal kişand ku ji xwe gelê kurd misilman e û di warê misilmantî û nirxê misilmantiyê de yên herî dilsoz kurd in. Ocalan, der barê serbest berdana endamên Hîzbulahê de jî wiha axivî: “Tê gotin ji kesên ku serbest hatin berdan rêjeyeke mezin winda ye. Ev li ku ne, şandin ku? Qala komeleyên Mustazafê tê kirin ku dê televizyonan vekin. Ev bi serê xwe nikarin vê yekê bikin. Çavkaniya van ji cihekî din e. Beranberî qedandina PKK’ê Îran jî di nav de, Tirkiye û heta bi hêzên navnetewî yên li dij çareseriyê dê sûdê werbigirin.” Ocalan diyar kir ku lîstikeke gelekî xetere tê lîstin û ev hişyarî kir: “Yê di gotinê de îslamî ne bikar bînin û bi îstîsmarkirina hestên gelê me wê bixwazin Tevgera Kurd tasfiye bikin. Van îslamvanên sexte berê jî di nava rêxistinbûyina Giladioya şerê taybet ku li hember kurdan û PKK’ê hate meşandin de cih girtin. Divê gelê me hişyar be.”
Ocalan destnîşan kir ku kes û derdorên di nava vê lîstike xeter de rol digirin bi îslamê û olê re tune ye û divê gelê me neyê van lîstikan. Ocalan got ev serbest berdan ne yên ji rêzê ne, parçeyên planeke demdirêj a xeter in. Ocalan şandina zêdetirî deh hezar meleyên şandine herêmê jî bibîr xist ku ev mele bi wezîfeyên taybet û armancên taybet hatine şandin û bang li gelê kurd kir ku li hember van xwedî helwest be û bi gotina, ‘pêwistiya me bi meleyên we tune ye’ derfetê nede wan û rêxistina xwe ya olî ya xweser bi xwe misoger bike.

Girtinên KCK’ê ne rewa ne

OCALAN, bal şikand ser girtiyên ji doza KCK’ê û got ku 2 hezar girtiyên KCK’ê tenê bi daxwaza siyaseteke demokratîk bi riyên demokratîk û wekî hemwelatiyên azad bêyî şîdet bikin niha di girtîgehê da ne. Ocalan, got ku tu eleqeya wan bi KCK’ê nîn e û girtina van kesan ne meşrû ye. Ocalan, diyar kir ku li hemberî vê rewşê gel û BDP li ber xwe didin û mafên xwe yên berxwedana demokratîk bi kar tînin.

Jiyana bê ziman bêwate ye

OCALAN, di hevdîtina xwe ya hefteyî de têkildarî kampanyaya ‘Jiyana Duzimanî jî nerînên xwe anîn ziman û bi van gotinan pêwîstiya zimanê dayikê rave kir: “Heke em nikaribin zimanê xwe fêrî zarokên xwe bikin, çanda xwe bidin jiyandin wê demê gelo wateyeke jiyanê ji bo kurdan heye? Ev mijar têkildarî hebûna me ye. Zimanê me rûmeta me ye, sedema hebûna me ye. Pêşî parastina hebûnê, paşê jî têkoşîna azadiyê tê.”

WATEYA PARASTINA XWESER
Ocalan, destnîşan kir nirxandinên wî yên der barê mijarê de çewt tên nîşanden pêwîstî dît ku careke din wateya parastina xweser bîne ziman: “Parastina xweser tenê parastina çekdarî îfade nake. Parastina xweser a em dixwazin bipêş bixin bi riyên yasayî, demokratîk, rewa û muxalefeta demokratîk parastina hebûnê ye. Parastina xweser a me parçebûnê na, berovajî yekbûneke bi Tirkiyeyê re ya demokratîk îfade dike. Bi rêbazên yasayî û demokratîk wek welatiyên azad mafê me yê xweparastinê heye.”
Ocalan her wiha silavên xwe ji bo gelê kurd ên di nava sînorên Sûriye, Îran û Iraqê de dijîn re jî pêşkêş kir û xwest li ser bingeheke demokratîk rêxistinbûyîna xwe bipêş bixin. Her wiha Ocalan bi minasebeta sersala borî hemû girtî silav kirin û ji bo gelê Îzmîr, Xinûs, Dêrsim, Gever û Colemêrgê jî silavên xwe pêşkêş kirin. STENBOL-ANF

Bila di sala 2011an de kuştin û îşkence bi dawî bibe

 Bila di sala 2011an de kuştin û îşkence bi dawî bibe

 

  

 

  

 

 Çalakiya ÎHD’ê û xizmên girtiyan ku ji bo zelalkirina aqûbeta windayan her hefteyê tê lidarxistin vê hefteyê jî li Amed, Riha û Êlihê berdewam kir. Xizmên windayan xwestin ku di sala 2011’an de kuştîn û îşkence bidawî bibin

 

 
02/01/2011

 

 

 

 

Çalakiya ÎHD’ê û xizmên girtiyan ku ji bo zelalkirina aqûbeta windayan her hefteyê tê lidarxistin vê hefteyê jî li Amed, Riha û Êlihê berdewam kir. Xizmên windayan xwestin ku di sala 2011’an de kuştîn û îşkence bidawî bibin.  
ÎHD’a Amedê û xizmên windayan di 99’emîn hefteya çalakiya xwe de, bi boneya zelalkirina aqûbeta windayan li ber Bîrdariya Mafê Jiyanê ya Parka Koşuyoluyê daxuyaniyek dan çapemeniyê. Çalakî bi beşdarbûna rêveberên BDP, MEYADER, Dayikên Aştiyê û nûnerên sendîkeyan hate lidarxistin. Di daxuyaniyê de pankarata “Bila winda bên dîtin, kujer bên darizandin” hate vekirin. Sekreterê ÎHD’a Amedê Racî Bîlîcî, daxuyanî xwend û di destpêkê de sersal pîroz kir. Bîlîcî, diyar kir ku di sala 2010’an de gelek maf hatine binpêkirin û wiha axivî: “Di sala 2010’an de gelek siyasetmedarên kurd hatin girtin û hêj jî tên darizandin. Em hêvî dikin ku di sal nû de êdî tu kes ji ber nasnameya xwe rastî binpêkirina mafan neyê.
Piştî daxuyaniyê vê hefteyê çîroka kuştina Bedriye Gumuş a ku li gundê Adih a girêdayî Nisêbîna Mêrdînê ji aliyê leşkeran ve hate kuştin hate vegotin. Endama Komîsyona Windayan a ÎHD’ê Necîbe Guneş, ku çîroka Gumuş, xwend diyar kir ku di encama gulebarana leşkeran de welatiyên bi navê Abdulselam Acet, Seyfettîn Kopçak, Alî Olmez, Abdulselam Ozbey, A. Hakîm Gollan jî bi Gumuş re hatine kuştin. Guneş, her wiha ragihand ku Serdar ê bi navê Ramazan fermana kuştina gundiyan daye.
ÎHD’a Rihayê jî bi heman armancê bi boneya winda bên dîtin û kujer bên darizandin li Kargeriya Karakoyunê daxuyanî da çapemeniyê. Di çalakiya şemiyêde nûnerên BDP, MAZLUMDER û ÎHD’ê û malbatên winayan amade bûn.
Serokê ÎHD’a Rihayê Cemal Babaoglu, bal kişan ser rewşa girtiyên nexweş û diyar kirin ku niha gelek neweşên girtî di sînorê mirinê de ne. Babaoglu, xwest hemû girtiyên nexweş serbest bên berdan.”
ÎHD’a Êlihê jî bi heman armancê li kolana Gulistan daxuyanî da çapemeniyê. Di çalakiyê de endam û rêveberên BDP’ê, nûnerên ÎHD’ê, xizmên windayan amade bûn. Serokê ÎHD’a Êlihê Osman Kunteş, bal kişand ser binpêkirinên 2010’an û anî ziman ku di sala 2010’an de jî binpêkirinên mafan berdewam kiriye û zêde bûye.
Kunteş, bang li her kesî kir û xwest her kes li mafên mirovan xwedî derkeve. Kunşat, her wiha ji dewletê jî xwest ku kujer bên dîtin û winda bên dîtin. AMED – RIHA – ÊLIH

‘Bila di komîsyonê de xizmên windayan jî cihê xwe bigirin’

 ‘Bila di komîsyonê de xizmên windayan jî cihê xwe bigirin’

 

  

 

  

 

 Çalakiya xizmên windayan vê hefteyê jî li Amed, Riha û Êlihê hate lidarxistin. Di çalakiyan de hate xwestin ku Komîsyona Lêkolînkirina Heqîqetan a xizmên windayan ji tê de cîh digirin, bê avakirin

 

 
13/02/2011

 

 

 

 

Çalakiya xizmên windayan ku her hefteyê ji bo zelalkirina aqûbeta windayan tê lidarxistin, vê hefteyê jî li Amed, Riha û Êlihê hatin lidarxistin. Di çalakiyan de daxuyaniya Serfermandariya Giştî ya “Hestiyên sewalan in” hate şermezarkirin û her wiha hate xwestin Komîsyona Lêkolînkirina Heqîqetan a xizmên windayan ji tê de cih digirin, bê avakirin.
AMED: ÎHD’a Amedê û xizmên windayan, li ber Bîrdariya Mafê Jiyanê ya li Parka Koşuyoluyê hatin cem hev û di 105’emîn hefteya çalakiya xwe de pankart “Bila winda bên dîtin, kiryar bên darizandin” vekirin. Sekreterê ÎHD’a Amedê Racî Bîlîcî, li vir daxuyaniyek da çapemeniyê. Bîlîcî, diyar kir ku gotinên Serokwezîr Erdogan bi gotina “Di dema hikumeta me de kuştinên kiryar ne diyar nehatine jiyîn” hêviyên wan şikandine. Bîlîcî, da zanîn ku di dema Hikûmeta AKP’ê de bi sedan kuştinên kiryar nediyar û înfaza beyî darizandin hatiye jiyîn. Bîlîcî, kiryarên, Aydin Erdem, Mehmet Uytun, Enes Ata, Ahmet Mizrak û Ceylan Onkol pirsî û xwest ku hikumet berpisyarê kuştina van kesan aşkera bike.
Serokê Baroya Amedê M. Emîn Aktar jî di çalakiyê de axaftinek kir. Aktar, destnîşan kir ku ji bo rastî derkevin holê lazim e di zutirîn demê de Komîsyona Lêkolînkirina Heqîqetan bê avakirin û dest bi lêkolînan bê kirin. Piştî Aktar, Endamê Meclisa Dayîmî yê KCD’ê Cafer Kan jî axaftinek kir û got: “Heta ku kiryar neyên darizandin, dewlet ji van gumanan xelas nabe. Kan, xwest ku Komîsyona Lêkolînkirina Heqîqetan bê avakirin û xizmên windayan jî di vê komîsyonê de cih bigirin. Serokê MEYADER’a Amedê Alî Ozgen, balkişand ser gorên komî û xwest ku bankaya DNA’yê bê avakirin.
RIHA: Xizmên windayan û rêveberên ÎHD’ê bi armanca aqûbeta windayan zelal bikin cara 27’emîn li ber Kargeriya Karakoyunê a Rihayê hatin cem hev. BDP û MAZLUMDER’ê jî piştgirî da çalakiyê. Di çalakiyê de wêneyên kesên hatin windakirin hatin hilgirtin. Li ser navê malbatan Serokê HD’a Rihayê Cemal Babaoglu daxuyanî xwend. Babaoglu, diyar kir ku Serokwezîr di hevdîtina bi Dayikên Şemiyê de gotibû “Di dema me de tu bûyerên kiryar nediyar pêk nehatine” lê di dema AKP’ê ya 9 salan de 375 bûyerên kiryar nediyar pêk hatin e û wiha got: “Serokwezîr Erdogan jî wekî Tansu Çîller a di dema wê de 17 hezar û 500 bûyerên kiryar nediyar pêk hatin, got tune ne. Lê li gorî girtekên ÎHD’ê di sala 2006’an 72, sala 2007’an 103, sala 2008’an 52, sala 2009’an 91 û sala 2010’an de jî 57 bi gîştî 375 bûyerên kiryar nediyar pêk hatine. Peywirdariya serokwezîrekî ew e ku van cînayetan zelal bike, înkar neke.”
Babaoglu, anî ziman ku ÎHD û malbatên windayan baweriyê bi komîsyona ji aliyê hikûmeta AKP’ê ve bê avakirin nayê û wiha axivî: “Tê bira we komîsyona lêkolînê ya Susurlukê jî hatibû avakirin. Rapor hatin amadekirin lê rapor ji ber sira dewletê nehatin veşartin.”
ÊLIH: ÎHD’a Êlihê û xizmên windayan di çarçoveya çalakiyen şemiyê de çalakiya rûniştinê berdewam kirin. Di nava wan de Hevserokê BDP’a Êlihê Şehmus Aslan, Serokê navçeya navendî Şerîf Çakar, Endamê MYK’a ÎHD’ê Nîhat Ekîncî, nûnerên rêxistinên civakî yên sivîl, malbatên windayan û gelek kesên din amade bûn.
Di çalakiyê de panqarta “Bila winda bên dîtin kiryar bên darizandin” û wêneyên windayiyan hatin vekirin. Li vir Serokê ÎHD’a Êlihê Osman Kunteş, daxuyaniyek da û diyar kir ku ew heta kiryarên windayiyan neyên ronîkirin û neyên darizandin dê çalakiya xwe bidomînin. Kunteş, bal kişand ser gorên komî yên dawî derdikevin holê xwest hestiyên derdikevin radestî malbata wan bên kirin. Kunteş, xwest ji bo ronîkirina rastiyan Komîsyona Lêkolîna Heqîqetan bê avakirin. DÎHA

Zarokên xwe di dilê xwe de vesartin

 Zarokên xwe di dilê xwe de vesartin

 

  

 

  

 

 Gelê kurd cenazeyên gerîlayên HPG’ê bi girseyî her yekî li bajarê wan defin kirin. Li hemberî vê xwedîderketina gelê kurd a li rûmeta xwe polîsên hikûmeta AKP’ê xwe ranegirtin û êrîşî gel kir. Gelê kurd jî bi keviran bersiv da êrîşa polîsan

 

 
07/04/2011

 

 

 

 

Girse bi taybetî  ciwanên ku di meşê de refên pêş de cih girtin bê navber dirûşmên ‘Şehîd namirin’, ‘PKK gel e, gel li vir e’, ‘Bijî Serok Apo’, ‘Tolhildan, tolhildan’ berz kirin û bertekên xwe ya li hemberî operasyonê nîşandan.
Cenazeyên 7 endamên HPG’ê yên di encama operasyona TSK’ê ya li navçeya Hassaya Hatayê de jiyana xwe ji dest dabûn, bi tevlibûna bi sedan kesan ji aliyê malbatên wan ve ji morga Tipa Edlî ya Edeneyê hatin wergirtin. Ji cenazeyên 6 HPG’iyan, yê Aydin Baran (Mazlum Amed) li Amedê li Goristana Yenikoy, Cenazeyê Zekî Durdu (Rojwan Tolhildan) dê li Meletiyê li gundê Atalay ê Yeşîlyurt û cenazeyê Bulent Doner (Devrîm Sîpan) li Wanê, cenazeyê Onder Konca (Boran Nurhak) li navçeya Elbîstana Mereşê li gundê Sevdillî, Cenazeyê Emrullah Atalmiş (Kendal Kavvar) dê li navçeya Tetwana Bedlîsê, li gundê Onsuzê û cenazeyê Şehmus Ozalp (Cîgerxwîn) jî li navçeya  Bismîla Amedê hatin definkirin.

BI GIRSEYÎ PÊŞWAZÎ KIRIN
4 cenazeyên endamên HPG’ê yên di operasyona navçeya Hassaya Hatayê jiyana xwe ji dest dan ji aliyê malbatan ve hatin girtin û şevê din anîn Amedê. Cenazeyên HGP’iyan li ser riya Rihayê ji aliyê sedan wesayîtan ve hatin pêşwazîkirin û bi konvoyê anîn Goristana Yenîkoyê. hevseroka Giştî ya BDP’ê Gultan Kişanak, hevseroka KCD’ê Aysel Tugluk û Parlamenterê BDP’ê Bengî Yildiz jî tevli pêşwezîkirinê bûn. Xwîşka Aydin Baran Gulluşan Baran, dema ku ji bo şuştina cenazeyan çû odeyê bi navê kodê bang li birayê xwe lêkir: “Mazlumê min, fermandarê min tu bi xêr hatî. Ser serê min û çav min hatî Mazlûmê min. Mazlûmê min egîdê mîn ev çend sal in tu gerîla bû. Şehîd namirin” Di wê demê de demên gelek kestiyar hatin jiyîn û ciwanan jî bi slogana ‘Şehîd namirin’ berz kirin. Di dema şuştina cenazayan de di laşê 4 cenazeyên HPG’iyan de şopa gelek guleyan hebû. Di cenazeyê Bulent Doner şopa şewatê di mil û serê wî de hebû.

LI ERXENIYÊ MUDAXALE
Konvoya cenazeyê HPG’iyê bi navê Aydin Baran (Mazlûm Amed) ê li Hassayê di encama operasyonê de bi hevalên xwe re jiyana xwe ji dest dabû gihişt navçeya Erxenê ya Amedê. Bi hezaran kesên di nav de hevseroka Giştî ya BDP’ê Gultan Kişanak û Hevseroka KCD’ê Aysel Tugluk jî di nav de heta derketina navçeyê bi cenaze re çûn. Girseya ku pankarta li ser wênêyên 7 endamên HPG’ê yên li Hassayê jiyana xwe ji dest dabûn û li ser ‘Şehîdên Kurdistanê Nemirin’ dinivîsî vekir û sloganên ‘Şehîd namirin’, ‘Bijî Serok Apo’, ‘Bê Serok jiyan nabe’ berz kir. Vê demê polîsan bi bombeyên gazê mudaxale girseyê kir û ciwanan jî bi kevir û molotofan bersiv da polîsan. Li gel mudaxaleyê jî girseyê dev ji meşê berneda û cenaze bi konvoyê ji bo bê definkirin birê kir gundê Gisgisê. AMED – DÎHA